Xunta e ONCE renovan a colaboración na atención educativa

Seccións: Protagonistas
convenio90919_educacion_06x.jpg

A Consellería de Educación, Universidade e Formación Profesional e a  ONCE  veñen de renovar a súa colaboración para prestar atención especializada, inicialmente, a 366 alumnas e alumnos con discapacidade visual en centros educativos de toda Galicia. A conselleira de Educación,  Carmen Pomar, e mailo delegado territorial ONCE en Galicia, Manuel Martínez Pan, asinaron a addenda ao convenio entre ambas institucións , que arrancou no ano 2013,  e que fai posible que 6 profesores do corpo de mestres desenvolvan as súas tarefas profesionais nos equipos específicos da ONCE, prestándolle apoio ao alumnado cego ou con discapacidade visual, tanto en educación primaria e 1º e 2º da ESO, como en centros e unidades de educación especial. A Consellería destina a este convenio un total de 230.227,85 euros para o curso 2019/20.

Ao abeiro deste acordo facilítase o acceso do alumnado con discapacidade visual escolarizado en centros ordinarios aos recursos tecnolóxicos e á transcrición e gravación a braille dos libros de textos e dos materiais curriculares. Deste xeito, favorécese a súa inclusión educativa, á par que unha atención especializada e axeitada ás súas necesidades. En concreto, o convenio permite establecer un marco de colaboración para a atención educativa do alumnado con cegueira ou deficiencia visual grave, así como das súas familias e dos centros educativos aos que asistan; promover a coordinación dos servizos educativos e dos complementarios, organizando e facendo rendibles os recursos das diferentes institucións; e facilitar a conformación de equipos específicos para a atención educativa a este alumnado.  

Neste sentido, o obxectivo do convenio é a unión de forzas para darlle cumprimento ao compromiso fixado pola Consellería a partir da publicación do Decreto 229/2011, do 7 de decembro, polo que se regula a atención á diversidade do alumnado dos centros docentes da Comunidade Autónoma de Galicia. Neste caso xúntanse os recursos materiais e humanos  da ONCE ao  profesorado que cede a Consellería neste acordo. A contía total destinada por Educación a este fin desde que se puxo en marcha a colaboración coa ONCE no ano 2013 ascende a máis de 1,4 millóns de euros.

 

Imaxe doutro momento da sinatura da addenda ao convenio Xunta e ONCE

RRSS_Compartir

Compartir :

Publicador de contidos

Calendario

  1. L
  2. M
  3. M
  4. X
  5. V
  6. S
  7. D
  8. 1
  9. 2
  10. 3
  11. 4
  12. 5
  13. 6
  14. 7
  15. 8
  16. 9
  17. 10
  18. 11
  19. 12
  20. 13
  21. 14
  22. 15
  23. 16
  24. 17
  25. 18
  26. 19
  27. 20
  28. 21
  29. 22
  30. 23
  31. 24
  32. 25
  33. 26
  34. 27
  35. 28
  36. 29
  37. 30
Eventos do mes
Non hai eventos para este mes

Subscrición

Subscrición

Suscríbete al boletín de Noticias ONCE de la Comunidad de Galicia
Informámosche de que os datos de carácter persoal que nos proporciones ao encher o presente formulario serán tratados por Política privacidade

Publicador de contidos