Xornada deportiva cos mellores

A fin de semana do 30 de novembro e 1 de decembro a cidade de Lugo acolleu a celebración da IV Escola deportiva organizada polo  Centro de Recursos Educativos -CRE- da ONCE de Pontevedra, e nela participaron unha ducia de escolares xunto a catro profesionais que lles inculcaron valores como o disfrute, o compañerismo, e tamén costumes de vida e de alimentación saudables.

O primeiro día disfrutaron unha xornada de  atletismo nun entorno de calidade, como é o módulo cuberto das pistas de atletismo Gregorio Perez Rivera. Alí sacaron a relucir a súa técnica de carreira e as súas dotes atléticas en lonxitude e lanzamento de peso sen saber nada da visita que  ían recibir poco tempo despois. Nada máis que dous  grandísimos atletas: Adiaratou Iglesias (subcampeona mundial absoluta en 100  e 200 metros lisos) e Jairo Salgueiro (campeón mundial junior en salto de lonxitude). Ámbolos coas súas palabras conseguiron motivar e empoderar aos doce xoves deportistas e aos catro  profesionais a lograr os seus soños e as súas metas.

Cheos xa de forzas e ilusión, o segundo día do encontro deportivo continuou coa práctica da modalidade de goalball no pavillón do  CPIFP Politécnico de Lugo. Houbo calentamento e logo aprendizaxe de técnicas, orientación, e paradas e lanzamento de penaltis, rematando a xornada cun partido disputado entre eles.