O prazo de solicitude do voto en braille remata o 21 de outubro

 Como quedou disposto trala publicación do Real Decreto 1612/2007, de 7 de decembro, polo que se regula o procedemento de voto accesible, que facilita ás persoas con discapacidade visual o exercicio do dereito de sufraxio, queda establecido o devandito procedemento para as Eleccións Xerais, que terán lugar o vindeiro 10 de novembro de 2019.

 As persoas interesadas en solicitar o maletín/kit de votación accesible poden facelo a través do teléfono gratuito do Ministerio do Interior 900 150 000 do 24 de setembro ao 21 de outubro,  ámbolos  inclusive, de luns a venres de 9:00 h a 17:30 h e os  sábados de 9:00 h a 14:00 h.  Asimesmo, e ata o día da votación, poderase solicitar información sobre o procedemento no mesmo número de teléfono e horarios indicados.