Muxía mudou a Romaría polo Cupón

A contorna do incomparable emprazamento muxián do Santuario da Virxe da Barca acolleu os primeiros días de setembro a  presentación oficial dun cupón adicado  ao lugar, que  axudou a paliar a desazón causada pola  suspensión dos eventos relacionados coa Romaría da Virxe da Barca a consecuencia da pandemia da COVID-19.

O delegado territorial da ONCE, Manuel Martínez Pan, entregou unha réplica enmarcada  do orixinal do cupón ao  alcalde  de Muxía, Iago Toba,  e declarou sentirse “orgulloso de desde unha organización tan singular para a economía e a sociedade  como é a ONCE   levar un lugar tan singular da xeografía e a cultura popular galegas como imaxe do cupón",  así como tamén de "contribuir a mitigar, no que poidamos, a  ausencia nesta ocasión da tradicional romaría a causa da  pandemia”.

O alcalde de Muxía, Iago Toba Campaña, agradeeu á ONCE a iniciativa e  dixo que o feito de  o Santuario aparecese no cupón do  8 sde setembro converterase “nunha lembranza de por vida para todas as persoas que o adquiriran”. O rexedor muxián,  en agradecemento á ONCE pola iniciativa, entregoulle ao delegado territorial unha pequena escultura réplica do santuario. O rexidor subliñou que "o orgullo e sentemento que lle produce a un muxián ter entre as súas mans o tan familiar cupón da ONCE  e ver nel un dos seus tesouros, é indescriptible"

Ao acto tamén acudiron o primeiro tenente de alcalde muxián, Javier Romar e a segunda Tenente de Alcalde, Olalla Benlloch, así como o director da Axencia ONCE de Santiago de Compostela, José Antonio Riveiro e un  nutrido grupo de invitados, entre os que se atopaba o capelán do Santuario da Virxe da Barca,  que ocuparon os asentos dispostos á beira do oceano. 

Pola súa banda, Manuel Martínez, delegado da ONCE en Santiago de Compostela, destacou que ‘estamos encantados desde esta organización tan singular para a economía do noso país levar un punto tamén moi singular desta xeografía galega’, anotou Martínez.