Sendeirismo en Becerreá
Un numeroso grupo de afiliados procedentes de diversos puntos de Galicia participaron nunha xornada sabatina de sendeirismo coa Asociación "Castañeira e Nogueira" de Becerreá (Lugo) durante a cal percorreron o sendeiro de Quintá-Río Donsal, celebrando logo un xantar de confraternidade seguido dun magosto.
Os sendeiristas da ONCE trasladáronse ata Becerreá a bordo de dous autobuses procedentes de Vigo de A Coruña e foron recibidos polo alcalde de Becerreá, Manuel Martínez e por Ricardo Ares, membro da directiva da asociación que fixo de guía durante todo o percorrido.
O tramo realizado foi o comprendido entre a aldea de Sevane e Quintá de Cancelada, un percorrido sensorial que neste comezo do outono estivo cheo de cores, olores e sons para disfrute de todos os participantes. Naactividade participou a Xefa do departamento de Servizos para Afiliados da ONCE de Galicia, Dolores Venancio, que intercambiou agasallos institucionais co alcalde de Becerreá.
Houbo un xantar, magosto e tamén baile na compaña de gaiteiros e pandereiteiras. Iste é a segunda vez que afiliados da ONCE realizan unha ruta de sendeirismo con esta asociación de Becerreá, que pretende que o sendeiro cuxo impulso e conservación promoven, sexa unha ruta inclusiva, apta para o disfrute de tódalas persoas.
