Teatro desde outro punto de vista

Seccións: Actividades
cartelftv11.jpg

O Salón de actos da Delegación territorial  converteuse no mes de novembro  nunha sala teatral alternativa e encheuse de público para dar cabida ao Festival  de Teatro Valacar #8211FTV- , unha iniciativa  que arrancou agora, logo de trinta anos de traxectoria  impecable do grupo teatral coruñés desenvolvendo a inclusión a través das artes escénicas e de ter recibido infinidade de  recoñecementos, como o Max de Teatro Afeccionado.  Esta primeira edición do FTV celebrouse durante as fins de semana comprendidas entre os días 8 e 24 do mes  e a entrada foi de balde para tódalas persoas que amosaron un cupón da ONCE  do día á entrada. 

O  grupo de actores e actrices con cegueira ou discapacidade visual severa, apoiado e impulsado pola ONCE desde a súa creación, representou a obra  “Frechas do anxo do esquecemento”  e o espectáculo “Enamórate a ciegas”, ambas  dúas dirixidas por Pedro Rubín .  A peza teatral "Frechas do anxo do esquecemento" é unha adaptación  do texto do  dramaturgo e  Premio Nacional de Teatro  Sanchis Sinisterra e  trata  sobre a perda da memoria e da identidade. A posta en escea de Valacar recibíu ovacións e críticas moi favorables do público desde a súa estrea, salientando a actuación de  actores como Felipe Cotelo e Willy Méndez,  en liña coa do resto de actores e actrices que tomaron parte nas dúas pezas teatrais: AnxoMangas, Manuel Carballido,Mayte Sanjuán, MariséVidal, Luz Míguez, Raquel Bergondo,Ana Docampo, Juana Rosalina, Yessica Val, Trinidad Canosa e Antonio Rumbo .

Na imaxe aparecen os actores FElipe Cotelo e Willy Méndez durante a representación da obras "Frechas do anxo do esquecemento"

 

O espectáculo “Enamórate a ciegas” foi o que puxo fin ao FTV coa característica inovadora  de que todo o esencial  foi invisible á vista dos espectadores. Coordenado e dirixido polo actual director de Valacar, Pedro Rubín,  e coa sala completamente a escuras, os asistentes disfrutaron  a través dos sentidos dun torrente emocional co amor e a pasión como protagonistas.  Foi a primeira vez que se fixo  en Galicia un espectáculo coa técnica de "Teatro a Cegas".  A iniciativa conseguíu acadar un notable  éxito de público e crítica, o que  pode levala a se converter nunha nova alternativa cultural e de ocio de calidade para a cidade de A Coruña, presentando un teatro desde “outro punto de vista”. O FTV foi, sen dúbida, un escaparate privilexado do teatro interpretado por  persoas cegas ou con discapacidade visual severa.

 

Publicador de contidos

Calendario

  1. L
  2. M
  3. M
  4. X
  5. V
  6. S
  7. D
  8. 1
  9. 2
  10. 3
  11. 4
  12. 5
  13. 6
  14. 7
  15. 8
  16. 9
  17. 10
  18. 11
  19. 12
  20. 13
  21. 14
  22. 15
  23. 16
  24. 17
  25. 18
  26. 19
  27. 20
  28. 21
  29. 22
  30. 23
  31. 24
  32. 25
  33. 26
  34. 27
  35. 28
  36. 29
  37. 30
Eventos do mes
Non hai eventos para este mes

Subscrición

Subscrición

Suscríbete al boletín de Noticias ONCE de la Comunidad de Galicia
Informámosche de que os datos de carácter persoal que nos proporciones ao encher o presente formulario serán tratados por Política privacidade

Publicador de contidos