Muxicas recibe un premio do público

Seccións: Actividades
o_inspector_muxicas_1.jpg

O grupo de teatro Muxicas de Ourense,  apoiado e impulsado pola ONCE,  ven de recibir este mes en O Carballiño  o Premio do Público na XI Mostra Amador  "Terras do Orcellón", coa obra  "O Inspector"  de Nikolái Gogol, versionada e dirixida por Tito Asorey.   Muxicas  leva case vinte anos facendo posible que persoas con cegueira ou discapacidade visual severa poidan achegarse con profesionalidade, rigor e compromiso artístico a un mundo, paradoxicamente tan visual, como é o da Arte Dramática.

Tito Asorey dirixe Muxicas desde o ano 2007.  Con Asorey,  recoñecido profesional do teatro, actor e director de escena, que ten no seu haber cinco premios María Casares en diferentes categorías e coñecido por todos nós polas súas interpretacións en series tan exitosas como Serramoura, Fariña, Servir y Proteger,...) levan postos en escena nove espectáculos que puideron ser vistos en escenarios de todo o país, entre eles o célebre Teatro Arriaga de Donosti. Conta como axudante de dirección con Melania Cruz (premio Mestre Mateo á Mellor actriz protagonita 2018, premio Maria Casares á Mellor actriz protagonista 2016 Muxicas tamén comparte cos otros grupos da ONCE o Premio Max 2012 deteatro afeccionado.

O obxectivo de Muxicas é loitar pola inclusión do colectivo de actores con cegueir no eido escénico e  construír colectivamente postas en escena dende o rigor artístico, traballando arreo para ofrecer espectáculos que poidan ser disfrutados por todo tipo de público, independentemente de que conte ou non con discapacidade visual. A obra coa que están percorrendo  Galicia durante 2018 "O Inspector" é unha comedia de ritmo frenético onde dez actrices e actores dan vida nas táboas ao clásico texto de Gógol
, versionado e dirixido para esta ocasión por Tito Asorey.

Na imae pódese ver outra escena de O Inspector na que participan varios actores interpretando unha esmorga

O elenco de O Inspector está formado por Teresa Rodríguez, Severino Pérez,  Alejandro Losada, Francisco Gómez, Luis Pequeño,  Iago López, Ricardo Rodríguez,  María del Carmen Fernández, Eva Herbella e Aída Saíz e a trama fala de que  nunha localidade gobernada por políticos corruptos reciben a nova de que acaba de chegar un inspector do goberno para realizar unha auditoría sobre as contas públicas e elaborar un estudio acerca da limpeza das prácticas políticas dos seus dirixentes. Ante esta situación, os gobernantes entran en pánico, procedendo á destrución de todas as probas que os poidan comprometer. Comezará así unha espiral de submisión cara ese inspector, ofrecéndolle todo tipo de agasallos e subornos, chegando a límites insospeitados de tolemia e indignidade.

Tras a estrea na Casa da Cultura de Barbadás en xuño deste ano 2018,  o espectáculo xirou  por diversos teatros e auditorios: Fornelos da Ribeira, Mostra de Teatro  de Salvaterra de Miño, Monforte de Lemos, certame de Teatro SuperArte de Viveiro, O Carballiño,  Ferreira de Pantón, o Barco de Valdeorras  e seguen nesta primeira semana de decembro con representacións na Escola Municipal de Teatro de Ourense.  

             
 

Publicador de contidos

Calendario

  1. L
  2. M
  3. M
  4. X
  5. V
  6. S
  7. D
  8. 1
  9. 2
  10. 3
  11. 4
  12. 5
  13. 6
  14. 7
  15. 8
  16. 9
  17. 10
  18. 11
  19. 12
  20. 13
  21. 14
  22. 15
  23. 16
  24. 17
  25. 18
  26. 19
  27. 20
  28. 21
  29. 22
  30. 23
  31. 24
  32. 25
  33. 26
  34. 27
  35. 28
  36. 29
  37. 30
Eventos do mes
Non hai eventos para este mes

Subscrición

Subscrición

Suscríbete al boletín de Noticias ONCE de la Comunidad de Galicia
Informámosche de que os datos de carácter persoal que nos proporciones ao encher o presente formulario serán tratados por Política privacidade

Publicador de contidos