Cupón do Voluntariado

O delegado territorial da ONCE en Galicia, Manuel Martínez Pan e a  conselleira de Política Social da  Xunta de Galicia, Fabiola García Martínez, eloxiaron e agradeceron o labor das persoas que practican o voluntariado e dedican unha parte de seu tempo aos demáis. Fixérono ámbos dous na presentación do cupón  do mércores día 5 de decembro que estará dedicado ao Día Internacional do Voluntariado.  Ao acto, celebrado no Edificio ONCE de A Coruña,  tamén asistiron o presidente do Consello Territorial de ONCE-Galicia, Carlos Fernández Lamigueiro; a directora xeral de Xuventude, Participación e Voluntariado, Cecilia Vázquez Suárez, e o director xeral de Inclusión Social, Arturo Parrado Puente.

A conselleira de Política Social, Fabiola García, fixo fincapé  no liderado de Galicia en materia de participación social durante a presentación do cupón da ONCE , lembrando que Galicia tamén acolleu os días 28 e 29 de novembro, en Ourense,  o XX Congreso Estatal de Voluntariado,  un evento que  fixo de Galicia o epicentro da solidariedade e do altruísmo,  a capital do voluntariado.  Fabiola García apuntou que esta iniciativa da ONCE de  levar a imaxe do voluntariado por toda España en 5,5 millóns de cupóns lle dará a difusión que merece e multiplicará o seu valor. Ademais, resaltou que a solidariedade “é un dos elementos que mellor define aos galegos e galegas”, así como que o voluntariado “é unha das mellores ferramentas para construír unha sociedade mellor”. A conselleira saudou esta iniciativa, posto que para que sexan cada vez máis as persoas que se suban ao tren do voluntariado cómpre que as súas accións teñan a maior difusión posible. A conselleira sinalou que a ONCE é "sinónimo de compromiso e de solidariedade”.

Na actualidade, Galicia conta con 970 entidades de acción voluntaria nas que participan preto de 42.000 persoas. A nosa é a única comunidade que recoñece de maneira oficial a experiencia en voluntariado a través dun certificado homologado pola Unión Europea que cada vez é tido máis en conta polas empresas nos procesos de selección de persoal.

124 voluntarios en ONCE-Galicia

O cupón adicado ao Día Internacional do Voluntariado inclue a frase ‘Hazte voluntario, cambia el mundo’. Na súa intervención, Manuel Martínez suliñou o compromiso da Organización co Voluntariado e  agradeció o labor das 124 persoas que exercen o voluntariado na ONCE en Galicia.  Salientou tamén que  a ONCE ten varios programas de traballo para voluntarios, para reforzar a consecución da autonomía persoal e inclusión social das persoas con cegueira ou discapacidad visual severa afiliadas á Organización. Para o desenvolvemento de súa actividade como voluntarios , a ONCE forma a estas persoas sobre pautas de comportamento cas persoas cegas,  aproximación á cegueira, técnicas de guía; labor da ONCE e acción dos seus servizos sociais e contidos sobre os diferentes programas de voluntariado e o seus requerimentos.