A DAP de Vigo participou en "A Pedaliña"

Os día 26 e 27 de maio afiliados da ONCE de Vigo participaron, un ano máis, en "A Pedaliña", un evento xa  tradicional na cidade de Vigo, que organiza o Club "A Golpe de Pedal" pra fomentar o uso da bicicleta como medio práctico  e ecolóxico de transporte e divulgar os beneficios que reporta o seu uso na saúde das persoas.

Como noutras ocasións, a ONCE participou o sábado 26 pola tarde montando un stand no recinto do monte O Castro onde se puxeron a disposición do públicos  dous tándems para quen quixera disfrutar da experiencia. Xa na xornada do domingo 27 un grupo de afiliados participou na marcha ciclista polas rúas da cidade de Vigo, integrándose perfectamente cos case mil ciclistas que disfrutaron dun percorrido de 17 km pola cidade.