Teatro Muxicas recolle dous galardóns en O Carballiño

Os compoñentes do grupo de teatro Muxicas de Ourense,  acompañados polo director da ONCE en Ourense,  Jesús Sánchez García, recolleron  o Premio do Público á Mellor Obra  e o Premio Tiruleque  da XI Mostra de Teatro Amador “Terras de Orcellón”. O acto de entrega tivo lugar  nunha gala benéfica celebrada o domingo 3 de febreiro no Auditorio municipal Manuel María de O Carballiño, organizada polo grupo Tiruleque coa colaboración do Concello de O Carballiño e  a Deputación de Ourense, na que actuou o Coro de Cámara Música Viva, dirixido por Valentina Dolisnea Ivasechko, e  o proio grupo Tiruleque coa comedia “Pasou un anxo”, de Herik Svindel.

O grupo de teatro Muxicas, composto por actrices e actores invidentes e ipulsado pola ONCE,  gañou os dos  Premios  na Mostra de Teatro que se celebrou o pasado outono, na que representou o seu espectáculo O inspector, de Nikolai Gogol, con dirección de Tito Asorey.  Muxicas leva case vinte anos facendo posible que persoas cegas ou con discapacidade visual severa poidan achegarse con profesionalidade, rigor e compromiso arti?stico a  o mundo da Arte Drama?tica.  Dende o ano 2007 a direccio?n do grupo recae en Tito Asorey, recon?ecido profesional do teatro ourensa?n, actor e director de escena,  co que levan postos en escena nove especta?culos que puideron ser vistos en escenarios de todo o pai?s, entre eles o ce?lebre Teatro Arriaga de Donosti, onde colleitaron un enorme éxito. Para o seu labor en Muxicas, Tito Asorey conta coa inestimable axuda doutra gran profesional, Sabela Castro.