Reunión do Cermi co Grupo Popular

O Comité de Entidades Representantes de Persoas con Discapacidade de Galicia (CERMI Galicia) propuxo ao Grupo Parlamentario Popular do Parlamento de Galicia a necesidade de crear unha comisión permanente sobre discapacidade na Cámara autonómica.

Así o puxo de manifesto o presidente de CERMI Galicia, Iker Sertucha, durante a súa  intervención nunha xornada sobre sensibilización en materia de discapacidade  celebrada no Parlamento galego entre membros do CERMI e deputados do PP.

O encontro contou coa participación da conselleira de Política Social da Xunta de Galicia, Fabiola Martínez; do portavoz do Grupo Popular, Pedro Puy Fraga, e coa deputada responsable de temas sociais do PP, Marta Rodríguez, organizadora do acto. Ademáis, estiveron presentes representantes das 10 organizaciónss pertencentes ao CERMI Galicia, entre eles Carlos Fernández Lamigueiro, secretario de Cermi-Galicia e presidente do Consello Territorial de ONCE-Galicia, os cales puideron trasladar as principais peticións de cada entidades.

Pola súa banda, o presidente de CERMI Galicia, ademáis da necesidade  de crear unha comisión permanente de discapacidade, pediu a creación dun espazo sociosanitario común, a actualización do censo de persoas con discapacidade e o desenvolvemento do‘concerto social’, entre outras cuestións.