Saúdo de Benvida do Delegado Territorial
![7260foto_dt.jpg](/documents/12522103/12530316/7260foto_dt.jpg/ecfb419b-bdce-db4e-a406-c5c908d03ac7?t=1663772226046)
Prezadas compañeiras e prezados compañeiros,
Compráceme darvos a benvida ao novo Boletín Dixital de ONCE Galicia (BDOG), unha nova ferramenta de comunicación que poñemos á vosa disposición para facer mais visible o labor desenvolvido nos distintos ámbitos do Grupo Social ONCE en Galicia. Este Boletín Dixital que hoxe vos presento non ven a suplir ningún dos soportes comunicacionais dos que xa dispoñemos, senón que ven a complementalos a todos eles, chamando a atención sobre os acontecementos acaecidos no noso entorno mais inmediato: a actividade xenerada nos nosos centros e pola nosa xente, as iniciativas emprendidas en Galicia pola nosa querida Fundación, á marcha do noso grupo empresarial social Ilunion en Galicia, ou mesmo ás novas mais destacadas das entidades sociais do CERMI e do terceiro sector na nosa comunidade; en definitiva,a todo o que teña que ver con este maravilloso proxecto social e colectivo que día a día construimos entre todos e todas.
No noso ánimo está manter unha canle de comunicación estreita con todos vós, afiliados e afiliadas e traballadores e traballadoras desta Casa. Recibiredes o BDOG nos vosos correos electrónicos de forma mensual, agás no verán que terá unha periodicidade bimestral, sendo a suscripción é voluntaria e gratuita.
Neste ano estamos a conmemorar o 80 aniversario do nacemento da ONCE , e facémolo orgullosos de ternos convertido nun modelo único e admirado en todo o mundo. O pasado mes de febreiro estreamos unha campaña publicitaria para celebrar a efeméride co lema “Contigo, facemos da evolución unha revolución”. Revolucionario, sen dúbida, é o que, grazas ao traballo dos nosos devanceiros e de quenes hoxe formamos esta gran familia e á solidaridade da sociedade española, que confía en nós e nos apoia, logramos crear algo único no mundo: o Grupo Social ONCE, formado pola ONCE , a súa Fundación e o seu grupo de empresas sociais Ilunion, sempre á procura de conseguir unha sociedade mellor, máis solidaria e máis inclusiva. Perosabedores de que aínda queda moito por facer, moitas barreiras que romper para garantir tódolos dereitos das persoas con discapacidade, non deixaremos pasar ningunha oportunidade de facernos escoitar e por iso damos a benvida ao BDOG como vehículo de comunicación, trasparencia e participación que aspira a que sintas a ONCE cada vez mais perto de ti.
Manuel Martínez Pan
Delegado Territorial ONCE
- L
- M
- M
- J
- V
- S
- D
- 1
- 2
- 3
- 4
- 5
- 6
- 7
- 8
- 9
- 10
- 11
- 12
- 13
- 14
- 15
- 16
- 17
- 18
- 19
- 20
- 21
- 22
- 23
- 24
- 25
- 26
- 27
- 28
- 29
- 30